នារសៀលថ្ងៃទី១៩ ខែកក្កដា ឆ្នាំ២០២៣ លោកជំទាវ ជ្រឹង បុទុមរង្សី ឯកអគ្គរាជទូតកម្ពុជាប្រចាំសាធារណរដ្ឋកូរ៉េ អមដំណើរដោយមន្រ្តីការទូត​និងអនុព័ន្ធអមស្ថានទូត បានបជួបពិភាក្សាការងារជាមួយ លោក លី ជូស៉ុង ដែលជាសាស្រ្តាចារ្យ និងមិត្តដ៏ស្និតស្នាល។ នៅក្នុងជំនួបនេះ លោកជំទាវ បានពិភាក្សាពីគម្រោងនានា ដើម្បីរួមគ្នាជួយសហការជ្រោមជ្រែង និងពង្រឹងសកម្មភាពរបស់ស្ថានទូតជាមួយសមាគមខ្មែរនៅក្វាងជូ។ បន្ថែមពីនេះ លោកជំទាវ ក៏បានពិភាក្សាគ្នាពីកង្វល់នៃការចុះចាប់ពលករខុសច្បាប់ដ៏សន្ធឹកសន្ធាប់របស់ប៉ូលីសកូរ៉េដែរ ដូច្នេះហើយសូមបងប្អូនមេត្តាយកចិត្តទុកដាក់ថែរក្សាសុវត្ថិភាពផង ជៀសវាងហានិភ័យ។