Test

កាលពីរសៀលថ្ងៃទី២១ ខែធ្នូ ឆ្នាំ២០២៣ ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានសហការជាមួយសមាគមពាណិជ្ជកម្មអន្តរជាតិកូរ៉េ (KITA) រៀបចំវេទិកាធុរកិច្ច និងវិនិយោគកម្ពុជា-សា.កូរ៉េ លើកទី២ ដោយមានអ្នកចូលរួមជាង ២០០នាក់ មកពីក្រសួងការងារនិងបណ្ដុះបណ្ដាលវិជ្ជាជីវៈកម្ពុជា ក្រសួងឧស្សាហកម្ម វិទ្យាសាស្រ្ដ បច្ចេកវិទ្យា និងនវានុវត្តន៍ កម្ពុជា សភាពាណិជ្ជកម្មកម្ពុជា សមាគមសហគ្រិនវ័យក្មេងកម្ពុជា និងសមាគមអ្នកនាំចូលកូរ៉េ និងបណ្តាក្រុមហ៊ុន និងពាណិជ្ជករកម្ពុជា និងកូរ៉េ។

នៅថ្ងៃទី០៨ ខែសីហា ឆ្នាំ២០២៣ រដ្ឋាភិបាលកូរ៉េបានសម្រេចផ្លាស់ប្តូរទីតាំងជំរំកាយរឹទិ្ធពិភពលោកលើកទី២៥ ពីខេត្ត ជូឡាប៊ុកដូ មកស្នាក់នៅទីក្រុងសេអ៊ូលនិងតំបន់នៅជុំវិញ ដោយសារសាធារណរដ្ឋកូរ៉េនឹងរងឥទ្ធិពលនៃព្យុះទីហ្វុង khanun ដែលត្រូវបានគេរំពឹងថា នឹងបោកបក់មកលើសាធារណរដ្ឋកូរ៉េនៅព្រឹកថ្ងៃព្រហស្បតិ៍ ក្រោមល្បឿនខ្យល់បក់ ១១៨គមទៅ១៥៤គម ក្នុង ១ម៉ោង។

នៅថ្ងៃទី២ ខែសីហា ឆ្នាំ២០២៣ លោក អូន សាក់ស៊ីណា លេខាធិការទី១ បានទៅសម្របសម្រួលជូនគណៈប្រតិភូនៃក្រសួងអប់រំ យុវជន និងកីឡា កាយរឹទ្ធិជាតិកម្ពុជា កាយរឹទ្ធិរៀមច្បង និងកាយរឹទ្ធិជំទង់ នៅព្រលានយន្តហោះអីនឆន់ ដើម្បីចូលរួមកម្មវិធី the 25th world scout jamboree ក្នុងខេត្តជូឡាប៊ុកឌូ។

នៅថ្ងៃទី២២ ខែកក្កដា ឆ្នាំ២០២៣ លោកជំទាវ ជ្រឹង បុទុមរង្សី បានអនុញ្ញាតសមាគមនិស្សិតកម្ពុជាប្រចាំសាធារណរដ្ឋកូរ៉េ រៀបចំកម្មវិធីប្រកាសប្រធានសមាគមថ្មីអាណត្តិទី៩ នៅនិវេសនដ្ឋានរបស់លោកជំទាវ ដោយមានការចូលរួមពីមន្រ្តីស្ថានទូត អនុព័ន្ធអមស្ថានទូត តំណាងសមាគម Happy Dream និងតំណាងមជ្ឈមណ្ឌលគាំពារពលករសុងណាំ និងនិស្សិតខ្មែរដែលកំពុងសិក្សានៅសាធារណរដ្ឋកូរ៉េ សរុបប្រមាណ ៥០រូប។